O impacto dun raio rebentou o asfalto dunha estrada en Neda

Ferrolterra foi unha das comarcas onde máis se deixaron sentir as treboadas da pasada noite. En Neda, un raio rebentou o asfalto dunha estrada que atravesa a aldea de Forxá.

Aconteceu minutos antes das nove da noite. Un dos veciños das casas máis próximas decatouse do acontecido e chamou ao 112, que á súa vez alertou a Protección Civil.

Unha forte treboada que deixou tremendo algún veciño. E ata din que quedaron ás escuras, malia que por pouco tempo.

Á espera de ser arranxado, Protección Civil de Neda sinalizou a fochanca para evitar accidentes, porque a estrada segue aberta ao tráfico.