Cargando resultados...
O mellor exame MIR de 2022 é dunha graduada na USC
O mellor exame MIR de 2022 é dunha graduada na USC
De pai austríaco e nai galega, Sofía Haselgruber de Francisco só errou 18 preguntas
G24.gal
22/02/2022 21:17
O mellor exame de Médico Interno Residente 2022, o MIR, é o dunha graduada na Universidade de Santiago de Compostela.
De pai austríaco e nai galega, Sofía Haselgruber de Francisco só errou 18 preguntas e contestou correctamente 182. Cos méritos académicos ten en total unha puntuación de máis de 103 puntos.
É case un punto e medio máis ca o número 1 do ano pasado. Antes de Sofía, a última muller en conseguir a máxima puntuación no MIR foi unha graduada da Universidade de Zaragoza no ano 2013.
