Cargando resultados...
O Pesca 1 rescata un sendeirista ferido no monte Galiñeiro, en Gondomar
O Pesca 1 rescata un sendeirista ferido no monte Galiñeiro, en Gondomar
O home, un vigués duns 50 anos, caera nunha zona de rochas de difícil acceso
G24.gal
21/07/2024 21:43
Última actualización 21/07/2024 22:12
O helicóptero Pesca 1 rescatou na tarde deste domingo un sendeirista ferido no monte Galiñeiro, no concello de Gondomar.
O home, veciño de Vigo duns 50 anos, caera nunha zona de rochas de difícil acceso, polo que foi necesaria a mobilización do servizo de Gardacostas de Galicia.
A primeira alerta da súa desaparición foi ás 13:30, e dúas horas máis tarde conseguiron localizalo. Porén, non puideron rescatalo ata as oito do serán.
No operativo tamén participaron Salvamento Marítimo, o 061, os Bombeiros do Porriño, a Garda Civil, a Policía Local e Protección Civil. O ferido foi trasladado ao hospital Álvaro Cunqueiro.
