O Queen Elizabeth, primeiro transatlántico que recala na Coruña en 2022
O Queen Elizabeth, primeiro transatlántico que recala na Coruña en 2022
Case 1.300 turistas viaxan a bordo
Está prevista en 2022 a escala de 170 grandes embarcacións con pasaxeiros, marca histórica do Porto
Con mar de fondo e cos seus impoñentes 300 metros de eslora, o Queen Elizabeth recalou na Coruña este sábado a primeira hora da xornada.
Preto de mil trescentos turistas viaxan a bordo deste cruceiro de luxo, que na súa visita anterior á cidade achegou vinte e dous casos positivos de coronavirus. Hai que lembrar que toda a pasaxe e os membros da tripulación navegan coa pauta de vacinación completa e que ademais deben realizar probas diagnósticas antes e durante as escalas.
O Queen Elisabeth é o primeiro transatlántico que recala na Coruña. As previsións do Porto apuntan a unha marca histórica de escalas de cruceiros: serán 170, un 42% máis que en 2017, o mellor exercicio ata o momento.
