O rescatado en Malpica salvouse ao quedar na balsa resgardado nunha furna
O rescatado en Malpica salvouse ao quedar na balsa resgardado nunha furna
Un pesqueiro de Malpica alertou a Salvamento ao ver o veleiro Prudence nas pedras
A muller falecida estivo uns minutos agarrada a unha táboa
O Villar Blanco é un dos 37 pesqueiros con permex de nasa de polbo de Malpica. Esta mañá largou unha cacea á primeira hora. Cando volvía a terra ás sete e media da mañá para carrexar a segunda, atopouse co veleiro francés Prudence nas pedras.
César Garrido conta que viron o mastro roto e unha muller na auga agarrada a unha táboa. O outro tripulante, un home, estaba na balsa salvavidas dentro dunha furna. O barco protexíao das ondas.
O mar batía con forza na zona do espigón de Malpica. Na costa da morte había un aviso amarelo por ventos de forza sete. A muller non tardou en soltarse da táboa á que estaba agarrada.
O veleiro francés Prudence quedou semiafundido nunha zona cerca do espigón de Malpica
Rescate
O Villar Blanco alertou a Salvamento Marítmo, que enviou á zona o Helimer 402 e a Salvamar Betelgeuse. Na operación de rescate tamén participou a Bianca, da Cruz Vermella, e membros de Protección Civil de Malpica por terra.
O home feriuse levemente e foi trasladado no helicóptero ao Hospital Universitario da Coruña en estado de choque. Xa foi dado de alta.
