O Special Olympics reparte medallas entre 147 deportistas con discapacidade intelectual

Celébranse hoxe en Lugo os Xogos Autonómicos de Natación Special Olimpics, un campionato no que participan 147 deportistas con discapacidade intelectual e no que todas e todos levarán cadansúa medalla para a casa.

Estes xogos supoñen unha oportunidade para dar a coñecer o esforzo e as capacidades que teñen os deportistas con discapacidade intelectual. Para eles, ademais, é un día moi importante no que amosarlle ao público as súas destrezas e, tamén, un día para o encontro cos amigos, para coñecer, viaxar e socializar.

O lema desta vixésimo sétima edición foi o de "quero gañar, mais se non o acado, déixame ser valente no intento"