O supervivente ghanés do Villa de Pitanxo agradece o apoio recibido
O supervivente ghanés do Villa de Pitanxo agradece o apoio recibido
Satisfeito tras conseguir a nacionalidade española, recoñécese apesarado pola perda dos compañeiros no naufraxio
Unha conmovedora carta é o método elixido polo mariñeiro ghanés Samuel Koufie para agradecer a nacionalidade española que obtivo esta mesma semana.
É un dos tripulantes superviventes do naufraxio do Villa de Pitanxo, que se amosa satisfeito por ter a cidadanía, pero que non deixa de se lembrar dos compañeiros falecidos no naufraxio.
Agradece as "mostras de cariño e ánimo mostrados cara a min, os meus e as familias dos compañeiros que perdín no mar" e a rapidez coa que se tramitou a súa solicitude de nacionalidade.
Samuel Koufie, que defende unha versión distinta do accidente do barco da que ofrecen o patrón e a armadora, ten cinco fillos que viven en Ghana coa súa esposa, Emilia.
