Obradoiros de cociña para pacientes con cancro que precisan menús adaptados

Un de cada dez pacientes oncolóxicos ten que ser hospitalizado por desnutrición, e a gran maioría sofren moitas molestias á hora de comer. Nestes obradoiros de cociña que promoven a Área Sanitaria de Lugo e a asociación Cociñeiros Lugo tentan facerlles a vida máis doada.

Todo iso, cunhas sinxelas pautas nutritivas e cun obxectivo claro, mellorar a súa calidade de vida. Os cociñeiros din que é ilusionante poder axudar. Por exemplo, aos que sofren mucosite. Máis aló destes obradoiros, ábrense a elaborar un amplo libro de receitas.