Ocupacións de ata o 90 % nos balnearios galegos durante os días fortes da ponte

Os balnearios galegos rexistran mellores cifras de ocupación que nas mesmas datas do ano pasado. Dende o grupo Caldaria falan dunha media do 70 % das prazas ocupadas durante esta longa ponte festiva, con picos de ata o 90 % durante as fins de semana. Máis reservas e estadías máis longas, dende dúas ata cinco noites.

Os que optan por esta alternativa de lecer buscan combinar os beneficios do termalismo como fonte de saúde e relaxación con outros atractivos turísticos como a natureza, o patrimonio ou a gastronomía.