Ocupas desaloxados en Lugo instálanse noutra vivenda do mesmo edificio

O fenómeno ocupa castiga de novo o barrio lugués do Sagrado Corazón. Desta volta o caso indigna aínda máis os veciños, xa que os ocupas só se esforzaron en baixar dous andares do mesmo edificio. Deixaron o quinto por orde xudicial e xa están instalados ilegalmente no terceiro.

Semella que elixen sempre obxectivos doados. Os veciños non entenden como pode haber tantas ocupacións. Algúns viven con certa resignación e mesmo con medo polo que poida acontecer, polo que reclaman solucións.

Neste caso, ademais de non cobrar o alugueiro durante máis de dous anos, a propietaria tivo que facer fronte a todos os gastos de luz e gas, e mesmo viu como lle levaban o televisor, mobles e diversos obxectos persoais.