Omenuke Mfulu é novo xogador do R. C. Deportivo
Omenuke Mfulu é novo xogador do R. C. Deportivo
O Dépor refórzase coa chegada do pivote congolés
Internacional coa súa selección, procede da U. D. As Palmas
O R. C. Deportivo continúa a reforzar o seu equipo de cara á vindeira tempada. O cadro coruñés incorpora a Omenuke Mfulu, procedente da U. D. As Palmas.
O pivote congolés, nado en Francia, chegou ao conxunto canario hai 3 anos. Mfulu disputou con eles dúas tempadas na Liga Hypermotion e unha na elite do fútbol español. Tras o ascenso do equipo insular, foi perdendo protagonismo e agora o Dépor conta con el para achegarlle potencia ao mediocampo.
Internacional coa súa selección e formado no Strasbourg francés, chega á Coruña coa intención de axudar ao Deportivo na súa volta ao fútbol profesional. Trátase da oitava fichaxe dos herculinos para esta tempada, que gañan poderío físico con Mfulu.
