Os exames extraordinarios da ESO serán entre o 6 e o 22 de xuño, despois da terceira avaliación

Os alumnos de ensino secundario que suspendan algunha disciplina este curso poderán recuperalas entre o 6 e o 22 de xuño. A Xunta xa ten elaborado o borrador, semanas despois de que o Consello de Estado anulase a posibilidade de realizar exames extraordinarios na ESO, os que se viñan facendo en setembro.

A nova lei non suprime a avaliación final, exames coñecidos como "globais". Entre a terceira avaliación, o 6 de xuño, e a final, o 22 do mesmo mes, haberá actividades de apoio, reforzo, titorización e recuperación.