Os gardamariñas embarcados no Elcano regresan a Marín

Emoción, música e nervios na Escola Naval de Marín. Despois de medio ano dando a volta a América do Sur, os 250 tripulantes do Juan Sebastián Elcano volven abrazar as súas familias. 

Setenta e catro gardamariñas aprenderon os segredos do oficio a bordo do veleiro máis emblemático da Armada. Agora tócalles descansar en terra, mentres que a súa escola flotante queda aberta ás visitas.

A piques de cumprir os 100 anos, o Elcano é un dos veleiros en activo máis antigos do mundo. Unha xoia da navegación que poden visitar de xeito libre e gratuíto ata o venres.