Os incendios deixan en Portugal 16 feridos e máis de 1.000 hectáreas arrasadas
Os incendios deixan en Portugal 16 feridos e máis de 1.000 hectáreas arrasadas
Portugal ten este xoves 39 incendios, que mobilizaron 1.546 efectivos, 457 medios terrestres e 14 medios aéreos
Dous grandes incendios nas localidades portuguesas de Nelas e Ourém deixan 16 feridos leves e 1.000 hectáreas arrasadas. 650 efectivos participan na extinción das lapas.
O lume obrigou a evacuar algunhas vivendas e provocou varios casos de intoxicacións polo fume.
O incendio forestal de Ourém calcinou dende o mércores preto de 400 hectáreas e provocou seis feridos leves, que non necesitaron atención hospitalaria.
Combaten as lapas 404 efectivos, 121 medios terrestres e un medio aéreo.
No caso de Nelas, no distrito de Viseu, un incendio nunha área de matogueiras que comezou o martes mobilizou hoxe 243 efectivos e 73 medios terrestres.
O alcalde de Nelas, Joaquim Amaral, informou a medios locais de que sospeitan que o lume foi provocado.
Arderon 1.000 hectáreas por este incendio.
Portugal, que se atopa en "risco máximo extremo" de incendios na rexión continental, rexistra este xoves 39 lumes, que mobilizaron 1.546 efectivos, 457 medios terrestres e 14 medios aéreos, segundo Protección Civil.
