Donos de terreos nas Fragas do Eume piden a retirada do plan reitor do parque

Os propietarios dos terreos que conforman as Fragas do Eume volveron manifestarse para esixir compensacións económicas polas restricións de uso que recolle o Plan Reitor de Usos e Xestión do Parque Natural aprobado en marzo pola Xunta.

Demandan a súa retirada cautelar e esíxenlle ao Goberno galego consenso e diálogo para a súa elaboración.

A marcha transcorreu polas rúas de Pontedeume e contou co apoio dos gobernos socialistas de Cabanas, Monfero, Pontedeume, As Pontes e A Capela, os cinco concellos que atravesan as fragas.