Os veciños de Nigrán denuncian excesos de velocidade na estrada onde se produciu un aparatoso accidente

Benjamín Manuel é o propietario dun dos coches rebentado nun aparatoso accidente na madrugada do martes na Ramallosa, en Nigrán. Mentres revisa o estado en que quedou o seu coche, explica que ten que agardar que retiren o turismo que lle caeu enriba para poder trasladar o seu ao taller. 

Os veciños que pasan pola zona paran para comprobar como quedaron os coches e especular sobre o accidente. A maioría denuncia excesos de velocidade nesta zona e reclaman que se instalen sinais ou lombas que axuden ao cumprimento dos límites de velocidade.