Os veciños do concello de Gondomar contan cun novo servizo municipal para resolver conflitos
Un axente da Policía Local fará de mediador
Analizará o problema e buscará a solución o máis rápido posible
Poucos días antes de comezar a funcionar o servizo de mediación comunitaria, a oficina, nas dependencias do concello de Gondomar, xa comezou a recibir as primeiras solicitudes.
Ata aquí poden achegarse todos os veciños que queiran tratar conflitos específicos ou situacións que poidan deteriorar a convivencia con outros residentes.
Desde este servizo pioneiro, que na área metropolitana só ten Vigo, tratará de buscarse a solución máis rápida e consensuada da ampla variedade de conflitos que xorden entre os cidadáns.
A iniciativa pretende ademais fortalecer a confianza entre os cidadáns e a policía apostando por unha xestión máis próxima.
