Pablo Crespo chega en forma a París
Pablo Crespo chega en forma a París
Grande actuación do piragüista galego no Mundial de Esprinte Olímpico sub-23
Crespo sumou un ouro na categoría C2 1000 e unha prata en C1 1000
![Fonte: RFEP](https://img-g24-crtvg.flumotion.com/prog24/2024/20240722/pablocrespo.jpg)
O piragüimo español frega as mans logo de presenciar a posta en escena de Pablo Crespo Penas. Crespo chegaba a Plovdiv para disputar o Mundial de Esprinte Olímpico sub-23 como parte da súa preparación para os Xogos Olímpicos.
Nesta fin de semana, o padexeiro pontevedrés conseguía facerse con dous metais en augas búlgaras. Na xornada do sábado só puido con el Danila Verschaka. O ruso entrou na meta un segundo antes e Crespo tívose que conformar coa prata na categoría C1 1000.
Xa para o domingo conseguiu a vitoria en C2 1000 coa axuda de Manuel Fontán. A dupla de piragüistas galegos impúxose ao resto de rivais firmando un tempo de 3:40:583 e obtendo o ouro nesta categoría.
Pablo Crespo Penas é fillo de Ana María Penas (tres participacións olímpicas) e José Manuel Crespo (dúas aparicións tamén nos xogos), dous padexeiros con experiencia nas olimpíadas. Estes serán os primeiros Xogos para el, na modalidade de C1 1000.