Peleteiro: "O bronce xa non me vale, quero algo máis, que xa toca"

A galega Ana Peleteiro, flamante campioa de Europa tras rubricar un salto de 14,85 en Roma, declarou que nos próximos Xogos Olímpicos de París quere superar a medalla de bronce e asegurou que se ve capaz de chegar aos 15 metros, marca coa que se ve medallista de ouro en Francia.

"Estou para chegar os 15 metros, pero fáltame un pouco. Pero o que soñei é como está a ocorrer. Se non saíu hoxe é porque non tiña que saír hoxe. Estar hoxe aquí é volver rozar esa Ana, volver ser competitiva...", dixo aos medios españois.

"Con 15 metros son medalla de ouro. Non quero máis bronces, quero algo máis, xa toca", engadiu.

Peleteiro desvelou que foi o que lle deu forzas para facer a súa segunda mellor marca.

"Necesitaba ver a miña nena, vina no cuarto salto e saíume. Encheume de forza e sabía que o tiña. Estaba a ter un pequeno fallo técnico, concentreime moito, visualicei e saíu, pero non tiña ningunha dúbida".

"Estou mellor que nunca, estou a adestrarme mellor que nunca, máis enfocada que nunca, tomando mellores decisións que nunca e as cousas saen para quen as persegue", engadiu. 

Sobre esas decisións, puntualizou que se refería "á hora de delegar". 

"Antes dos Xogos deixarei a miña nena 3 semanas cos meus pais para enfocarme, descansar, que non haxa ningún virus... Pasoume hai unha semana un e paseillo ao meu marido. É unha decisión que sei que vai merecer a pena".

Ademais, comentou os comentarios racistas que sufriu nas redes sociais.

"Como lles gusta o himno de España, mañá imos estar todos coa man no peito e o 'lololo' soará en todas as cores", sentenciou.