Sen noticias dos nenos desaparecidos tras un accidente aéreo en Colombia

Colombia continúa pendente do paradoiro dos catro nenos indíxenas desaparecidos tras un accidente aéreo na selva. Os militares emiten na zona en que os buscan a mensaxe gravada pola avoa dos pequenos, de entre 13 anos e 11 meses.

O presidente Gustavo Petro retractouse. Despois de anunciar que foran localizados, borrou o chío que escribira porque esa información aínda non puido ser confirmada. Onte pola tarde os equipos de busca atoparon pegadas frescas próximas a un regato, o que infunde novas esperanzas de que aparezan con vida.