Podemos apura a Yolanda Díaz para pechar xa un acordo de coalición

En Podemos pídenlle a Yolanda Díaz asinar xa un acordo de coalición. E ameazan con non acudir á presentación do proxecto Sumar se non se formaliza ese pacto previo. Tamén esixen que as listas se elaboren con primarias abertas.

A previsión é que Yolanda Díaz anuncie a súa candidatura nun acto en Madrid nas próximas semanas, con presenza de todas as organizacións que aspira a integrar.

Ela pídelles a todas as formacións que estean á altura das circunstancias para garantir a continuidade dun goberno de coalición progresista.