Praga de moscas nos concellos de Oleiros e Cambre

Unha praga de moscas afecta estes días as zonas do Temple e San Pedro de Nós, moi preto da Coruña. Os veciños din que comezaron a sufrir o problema hai sete días e que desde aquela só poden ventilas as súas casas entre as sete e as sete e media da mañá porque se o fan máis tarde as moscas invaden as súas vivendas.

Achacan a praga ao movemento de terras que se está a facer a carón do río para construír un paseo fluvial e tamén á calor que vai estes días.

Confían en que, coa baixada das temperaturas anunciada para os vindeiros días, o seu pesadelo vaia remitindo.