Preocupación na Generalitat por varios incendios forestais en plena vaga de calor

A onda de calor potencia tamén os incendios forestais. En Cataluña, hai varios que preocupan moito.

Un en Tarragona e outro en Lleida superan as 700 hectáreas queimadas. E a Generalitat xa pediu axuda ao Exército para tentar controlalos. Ademais, hai outros seis incendios activos na comunidade autónoma.

Os bombeiros están en alerta dende esta noite. Implica que teñen que presentarse todos para traballar, sempre que haxa vehículos. A Generalitat fala dunha situación de máxima gravidade pola coincidencia de varios incendios en plena vaga de calor. Hoxe superarán os 40 graos.