Presentación da candidatura socialista en Ourense para as vindeiras eleccións municipais

En Ourense presentouse a candidatura socialista ás vindeiras eleccións municipais, co exalcalde Francisco Rodríguez como cabeza de lista. No acto salientaron que o PSOE busca o apoio maioritario dos cidadáns para acadar non só a alcaldía, senón tamén a Deputación ourensá.

Aseguran que os últimos oito anos cos populares e Democracia Ourensana no goberno restaron oportunidades para que a cidade puidese avanzar, e que agora o que toca é traballar e mirar cara ao futuro. Din que o seu único pacto será coa cidadanía.