Presentan no Porto de Vigo o Proxecto Xulio Verne para subministrar hidróxeno verde

O porto de Vigo lidera un proxecto pioneiro en Galicia para a implantación dunha hidroxeneira en Bouzas. Subministrará enerxía limpa para o transporte marítimo e terrestre e tamén enerxía con emisións cero para uso urbano. O vicepresidente primeiro destacou na presentación esta mañá o innovador e visionario deste proxecto para o que se elixiu un nome moi adecuado: Xulio Verne.

"A iniciativa recibe un nome moi adecuado. Xulio Verne visitou Vigo en dúas ocasións. Un visionario que xa identificara que a auga ía ser o carbón do futuro", destacou Conde.