Primeiras imaxes do naufraxio do palangreiro galego afundido na costa de Chile

As primeiras imaxes que nos chegan do naufraxio do palangreiro galego Pico Tresmares no Pacífico sur gravounas un dos mariñeiros desde a lancha salvavidas.

Nese momento, as lapas estaban devorando o buque. Pouco despois, foi a pique.

O sinistro ocorreu a mil millas da costa de Chile.

Á vista das imaxes aterradoras custa crer que os 19 tripulantes a bordo do buque saíran ilesos do accidente.

Desa lancha salvavidas dende a que se gravou o vídeo rescatounos un pesqueiro de bandeira portuguesa.

E esta madrugada estaba previsto que os recollese outro buque, da mesma armadora que o Pico Tresmares, que pode tardar unha semana en levalos a terra.