Primeiro adestramento de Tadeo Allende co resto de compañeiros do Celta

O extremo esquerdo arxentino Tadeo Allende, completou este venres o seu primeiro adestramento cos seus novos compañeiros do Celta ás ordes de Rafa Benítez. O xogador xa estivera na Cidade Deportiva Afouteza o día anterior, pero máis aló de saudar o resto de célticos, realizara traballo individual xunto ao preparador físico.

Pola tarde, na súa presentación, falou da boa acollida que tivera e mostrouse preparado para xogar, incluso este domingo, se o adestrador así o decidise, pero tamén expresou que tratará de axudar desde onde lle toque na partida fronte ao Osasuna.