Prisión sen fianza para o detido polo asasinato do neno de Ceuta
Prisión sen fianza para o detido polo asasinato do neno de Ceuta
Está investigado polos delitos de asasinato e agresión sexual a un menor
Durante a súa comparecencia xudicial acolleuse ao seu dereito a non declarar
![](https://img-g24-crtvg.flumotion.com/prog24/2023/20230119/DETIDOSOSPEITOSOMATARNENOCEUTA_frame_1734.jpg)
A petición da Fiscalía, o Xulgado de Primeira Instancia e Instrucción número 5 de Ceuta ordenou o ingreso en prisión provisional, comunicada e sen fianza do único detido polo presunto asasinato de Mohamed, o neno que foi atopado morto o pasado 19 de decembro.
Segundo informaron fontes do Tribunal Superior de Xustiza de Andalucía, a decisión adoptouse despois de que o arrestado fose trasladado este xoves ás dependencias xudiciais.
O detido, de 34 anos, está acusado do asasinato do pequeno Mohamed Abdeselam, que fora atopado nun terraplén próximo á súa casa. Está investigado polos delitos de asasinato e agresión sexual a un menor, e durante a súa comparecencia xudicial acolleuse ao seu dereito a non declarar.
O detido conta cun único antecedente xudicial, tras ser condenado polo Xulgado do Penal número 2 a seis meses de cárcere por un delito de roubo con violencia por feitos acontecidos no ano 2013.
A causa será investigada polo Xulgado de Instrucción número 6 de Ceuta e atópase baixo segredo de sumario.