Procesan seis mandos polas manobras en que morreron dous soldados

O titular do Xulgado Togado Militar Central 2 de Madrid, que instrúe a causa da morte de dous soldados nunhas manobras en Cerro Muriano, en Córdoba, ditou auto de procesamento contra seis mandos do acuartelamento.

Segundo o auto emitido este luns, decláranse procesados un capitán, un tenente, un sarxento, un tenente coronel, un comandante e un coronel, aos que, inicialmente, deixa en liberdade provisoria.

O maxistrado que asina o auto requírilles, entre outras medidas, que comparezan no xulgado entre os días 1 e 5 de cada mes ou ben cada vez que sexan requiridos para iso.