Provoca a explosión da súa vivenda en Ponferrada antes de ser desafiuzado
Provoca a explosión da súa vivenda en Ponferrada antes de ser desafiuzado
O home acudiu á policía para confesar os feitos
O edificio quedou destruído, pero non houbo danos persoais
A explosión produciuse pouco antes das catro da madrugada na rúa Alcón, en Ponferrada.
O home que supostamente a provocou entregábase despois na policía para confesar o ocorrido.
Dixo que ía ser desafiuzado nos vindeiros días do piso que ten alugado e que por iso causou unha explosión de gas.
A detonación provocou un grande incendio.
Destruíu por completo o teito, a planta alta do edificio e fixo que a fachada se derrubara sobre varios coches aparcados na rúa. A policía tivo que evacuar 5 persoas dos edificios lindeiros pero, afortunadamente, ninguén resultou ferido.
"Eran as catro da mañá, non había viandantes pola vía pública e no edificio o inquilio era o único habitante, así que non se produciron danos persoais".
O causante da explosión, un home de 36 anos, pasará nas vindeiras horas a disposición xudicial. Acúsano dun delito de incendio provocado e doutro de danos.
