Punto negro na A-52 ao paso por Salvaterra de Miño
Punto negro na A-52 ao paso por Salvaterra de Miño
Unha condutora saíu da vía e quedou ferida leve
Neste mesmo punto faleceu o sete de xaneiro un condutor golpeado por un coche que cruzou ao carril contrario
Esta mesma mañá, unha muller quedou ferida leve ao saír da vía o vehículo que conducía. Trátase dun punto negro nesta estrada ao seu paso polo concello de Salvaterra de Miño. Usuarios e veciños da estrada falan do mal estado da vía, pero tamén da necesidade dos condutores de estremar as precaucións, nesta e en todas das estradas.
O pasado 24 de decembro, un coche sufriu unha saída de vía e envorcou danando a barreira de protección. Este foi substituído temporalmente por unhas barreiras separadoras de plástico que en caso dun forte impacto non impedían invadir a medianeira.
E iso foi precisamente o que sucedeu dúas semanas despois, cando un condutor de 25 anos saltou ao carril contrario e bateu de fronte contra outro coche. O mozo, que deu positivo no test de drogas, resultou ferido grave e causou a morte do condutor do outro vehículo, e feridas á muller e á filla de trece meses da vítima, que era un coñecido avogado vigués. Agora está investigado por delitos de homicidio imprudente e contra a seguridade viaria.
