Quéimalle o coche por retirarlle o saúdo
Quéimalle o coche por retirarlle o saúdo
O autor foi detido e, tras a denuncia, un xuíz impúxolle unha orde de afastamento que dubidan que cumpra
Un veciño de Agolada denuncia o acoso que vén sufrindo desde hai un ano por parte dun veciño seu. Asegura que nunca tivo ningún problema máis alá de retirarlle o saúdo polos seus malos modais. A obsesión chegou a tal extremo que esta semana de madrugada primeiro rebentoulle os vidros do coche da súa parella e logo prendeulle lume.
Xabier reside desde hai un ano coa súa parella e o seu pai dependente nunha casa de Agolada. Asegura que ao pouco tempo comezou o pesadelo por mor do comportamento obsesivo e violento dun veciño que vive a escasos metros deles. Xabier asegura que nunca tivo problemas con el, pero que reaccionou así porque decidiu retirarlle o saúdo.
Xabier asegura que o mércores os ameazou varias veces ao cruzarse con el na rúa. E das palabras pasou aos feitos. Contra a medianoite tomouna co coche da súa parella, que estaba aparcado na rúa.
Tras identificalo como autor do ataque, o home foi detido pola Garda Civil. Xabier e a súa parella presentaron denuncia e o xuíz de garda impúxolle unha orde de afastamento de 50 metros e prohibiulle comunicarse con eles. Xabier dubida que a cumpra.
A muller do denunciado rexeitou facer declaracións sobre o asunto.
