Quince estudantes feridos ao afundirse unha escaleira nun instituto de Ponferrada

Quince estudantes quedaron feridos, ao parecer leves, ao afundirse unha escaleira metálica no Instituto de Ensino Secundario (IES) Álvaro de Mendaña de Ponferrada (León), segundo informou o servizo de emerxencias 112 de Castela e León.

Varias chamadas alertaron ás 11:37 horas á sala do centro de emerxencias do incidente, polo que se activou á Policía Local de Ponferrada, ao Corpo Nacional de Policía, aos Bombeiros e a Emerxencias Sanitarias–Sacyl, que enviou ao lugar unha UVI móbil e unha ambulancia soporte vital básico.

No lugar, o persoal de Sacyl atendeu as vítimas, tres das cales foron trasladadas en UVI móbil e ambulancia de soporte vital básico ao Hospital do Bierzo, outras tres evacuadas pola policía ao mesmo centro asistencial e o resto conducido a un centro de saúde.

🚑 | Emergencias 112cyl | Once personas han sido atendidas tras caer una escalera metálica que da acceso al patio en un instituto en Ponferrada #León. Seis han sido trasladadas al hospital de El Bierzo y cinco al centro de salud. #112CyL pic.twitter.com/RfrPksRWTG

— 112 Castilla y León (@112cyl) May 20, 2024

Fontes municipais precisaron a EFE que o estado dos feridos non reviste gravidade.

Todo mi apoyo a los alumnos que han resultado heridos leves en el incidente del IES Álvaro de Mendaña, en Ponferrada y a toda la comuniad educativa. Estoy en contacto permanente y parece que, afortunadamente, ninguno presenta lesiones graves.

— Rocío Lucas (@RocioLucas_) May 20, 2024

O director do centro educativo, Santiago González, explicou a EFE que a escaleira que se esborrallou salva o desnivel que hai entre os soportais da entrada e o patio e ten uns 40 anos de antigüidade.