Reabre o Museo Carlos Maside tras sete anos de restauración
Reabre o Museo Carlos Maside tras sete anos de restauración
A Xunta empezará os trámites para declarar BIC o Museo Carlos Maside
O edificio foi rehabilitado con participación da Xunta
Sete anos despois, o Museo Galego de Arte Contemporánea Sargadelos-Carlos Maside abre as súas portas de novo. E faino logo da restauración do edificio deseñado por Andrés Fernández- Albalat, en pé dende 1982. O inmoble é coherente cunha colección enorme de arte, que comeza por Castelao e chega aos nosos días.
Agora no Castro xa se poden visitar os tres andares deste museo, o segundo dos proxectos do Laboratorio de Formas. Todo aquí saíu fundamentalmente de Díaz Pardo e Luís Seoane. Un concepto global vangardista en liña cunha marca aínda en activo, con valor económico e cultural.
O conselleiro de Cultura aproveitou para anunciar que a Xunta fará a incoación para declarar como BIC, Ben de Interese Cultural, tanto o edificio como as pezas máis representativas da colección do Museo Galego de Arte Contemporánea Sargadelos-Carlos Maside.
