Recibe a alta o turista lucense ferido no accidente de autobús de Mallorca
Recibe a alta o turista lucense ferido no accidente de autobús de Mallorca
Tan só quedan dous feridos ingresados, logo de ser dado de alta outro procedente de Aragón
Gardas civís no lugar do accidente (EFE/Cati Cladera)
O turista lucense ferido no accidente de autobús rexistrado o pasado luns na illa de Mallorca recibiu a alta.
Segundo detallou este mércores o IbSalut, as persoas que permanecían hospitalizadas reducíronse a dúas, tras recibir o martes a alta tanto este turista lucense como outra persoa procedente de Aragón.
En concreto, os dous feridos que continúan ingresados, un home e unha muller de Zaragoza, están no Hospital Universitario de Son Espases e están en estado menos grave, pendentes tamén de recibir a alta.
O sinistro ocorreu este luns en Mallorca, cando o autocar saíu da estrada Ma-4030 e caeu dun desnivel de dous metros, quedando feridas un total 24 persoas.
