Reclaman a instalación de fibra óptica en varias parroquias de Cervantes

Os veciños das parroquias de Vilasante, O Mosteiro e Cancelada, en Cervantes, quéixanse dos problemas que teñen para conectarse a Internet. Necesitan este servizo tanto nos seus negocios como para traballar nos seus fogares, pero aseguran que a tecnoloxía de que dispoñen, ADSL, falla de forma continua, ao igual que os datos por móbil.

Para solucionar os problemas de conectividade, os afectados demandan que se instale fibra óptica. Para iso, sería preciso prolongar ata tres quiómetros o cable que chega á zona. Os residentes nas parroquias afectadas levan xa dous anos reclamando a instalación desta infraestrutura.