Rescatan sete tripulantes dunha embarcación que se afundía fronte a Sanxenxo
Rescatan sete tripulantes dunha embarcación que se afundía fronte a Sanxenxo
Os servizos de rescate de Silgar puxeron os evacuados a salvo en Portonovo
Tamén lograron levar o barco ata o peirao de Sanxenxo
Sete persoas que gozaban da ría de Pontevedra nunha motora ante a praia de Silgar en Sanxenxo foron rescatadas este sábado pola tarde despois de que un dos tripulantes dera aviso ao 112 Galicia de que a embarcación se afundía.
O barco ten oito metros de eslora e tiña unha vía de auga, estaba aproximadamente a un quilómetro e medio de Sanxenxo.
O Concello de Sanxenxo mobilizou un amplo dispositivo e os servizos de rescate da praia de Silgar lograron rescatar sans e salvos os sete ocupantes do barco, ante a ameaza de afundimento.
A embarcación de Emerxencias de Sanxenxo trasladou tres das persoas ata Portonovo e as outras catro coa lancha de Nauta e o Náutico.
Puideron recuperar a motora coa vía de auga antes de que se afundise. Salvamento Marítimo recibiu o aviso do 112 Galicia da situación e mobilizou a Salvamar Mirach e o helicóptero Pesca que non precisou intervir. Tamén estivo na zona a embarcación Río Luna da Garda Civil.
