Rescatan un can atrapado nun lazo de caza para xabarís

A Garda Civil conseguiu rescatar en Malpica un can que quedou atrapado nun lazo de caza para xabarís. Foi un veciño quen alertou o Seprona ao atopar o animal co lazo arredor da cadeira e as patas atrapadas nunha rede, que segundo os axentes foi colocada para protexer as plantacións de millo, nunha zona frecuentada por estes animais.

Aínda non foi posible localizar o propietario do can, xa que non ten chip identificativo, nin tampouco a quen colocou esta trampa ilegal nun monte de Seaia.