Rescatan un condutor ferido que caeu co seu coche sobre a vía do tren en Foz
Rescatan un condutor ferido que caeu co seu coche sobre a vía do tren en Foz
Foi rescatado polos servizos de emerxencias e evacuado de urxencia ao Hospital Público da Mariña en Burela
O condutor dun vehículo que se precipitou sobre a vía férrea do Feve, no municipio de Foz (Lugo), despois de caer desde varios metros de altura, foi rescatado a primeira hora desta tarde polos servizos de emerxencias e evacuado de urxencia ao Hospital Público da Mariña, en Burela.
Segundo a información facilitada pola Garda Civil de Tráfico, o accidente produciuse contra as tres da tarde deste martes, cando por causas descoñecidas, un coche caeu desde o trazado da estrada Nacional 642 á vía do tren.
O condutor do vehículo resultou ferido e, tras recibir os primeiros auxilios por parte dos sanitarios do 061 que se desprazaron ao lugar do accidente, foi evacuado de urxencia en ambulancia ao Hospital Público da Mariña en Burela.
