Rescatan en Ribeira un veleiro á valga que podería estar vinculado co narcotráfico

No concello de Ribeira, preto de Aguiño, localizaron a pasada noite un veleiro á valga, sen tripulación e cunha vía de auga. Sospeitan que puideron utilizala para descargar droga. 

O barco, de bandeira alemá, estaba practicamente afundido na bocana da ría de Arousa e foi rescatado "in extremis".

Dúas lanchas do Servizo de Vixilancia Aduaneira, co apoio de Salvamento Marítimo e da Cruz Vermella, lograron remolcar a embarcación ata o Club Náutico de Ribeira.

Outra imaxe da embarcación. FOTO: Fernando Abralde, concelleiro do mar de Ribeira