Rescatan unha muller tras caer nunha zona de dificil acceso en Lobios
Rescatan unha muller tras caer nunha zona de dificil acceso en Lobios
Emerxencias despregou un amplo operativo para evacuar á accidentada que fracturou unha perna nunha zona de montaña
Ante a imposibilidade de mobilizar o helicóptero, os efectivos chegaron á zona nun todo terreo
O GES de Lobios e axentes da Garda Civil durante o rescate
Os equipos de emerxencias rescataron unha muller tras caer nunha zona de difícil acceso e que non podía moverse no municipio ourensán de Lobios.
O 112 recibiu o aviso do accidente por parte dun particular contra as 16:00 horas deste sábado e detallou que á zona non podía chegar unha ambulancia. A vítima tiña unhas fracturas nas pernas.
Foi no sendeiro do Pozo das Olas, en Guende, na zona de san Paio de Araúxo.
A central de emerxencias, deu aviso ao Servizo de Urxencias Sanitarias de Galicia-061 que expuxo a posibilidade de mobilizar o helicóptero medicalizado, pero non foi posible pola complicada situación meteorolóxica na zona.
Ademais, informaron os membros do GES de Lobios, que decidiron chegar ata o lugar nun todo terreo canda axentes da Garda Civil. Foron os encargados de rescatar á muller e transportala ata a localidade máis próxima para evacuala en ambulancia ata un centro sanitario.
Evacuación da muller desde a zona do accidente en Lobios
