Rescatan unha nena na praia da Frouxeira arrastrada polas correntes
Rescatan unha nena na praia da Frouxeira arrastrada polas correntes
A rapaza facía paddle surf xunto a outros dous amigos que saíron polo seu propio pé
O Helimer 402 tivo que acudir na súa axuda
As correntes na praia da Frouxeira puxeron en apuros tres mozos que estaban practicando paddle surf. Ao ter dificultades para saír do mar pediron axuda a outros individuos que se encontraban na zona e que deron o aviso ao 112 alertando da perigosa situación.
Enseguida chegou o helicóptero de Salvamento Marítimo, o Helimer 402 e tras varias manobras alcanzaron a nena, sacárona do mar e subírona á aeronave para despois trasladala sa e salva ao aeroporto de Alvedro.
Os dous compañeiros da rapaza que viron toda a operación dende as súas taboas de paddle surf conseguiron polos seus propios medios fuxir da corrente e saír da auga.
É a segunda vez en menos dunha semana que o Helimer ten que actuar nas augas de Valdoviño. O pasado día 16 rescataba na praia de Pantín un avó e a súa neta.
