Rosalía actuará o 29 de xullo no Coliseum da Coruña
Rosalía actuará o 29 de xullo no Coliseum da Coruña
As entradas sairán á venda na súa páxina web este venres, 22 de abril, ás 10.00 da mañá
Este concerto forma parte da súa xira mundial 'Motomami World Tour'
Rosalía, en concerto
O vindeiro 6 de xullo comeza a xira mundial de Rosalía 'Motomami World Tour'. A artista catalá dará 46 concertos en 15 países. O primeiro escenario da xira será Almería. En España pasará tamén por Sevilla, Málaga, Valencia, Madrid, Barcelona, Bilbao, A Coruña e Palma de Mallorca. Na Coruña actuará o día 29 de xullo no Coliseo.
As entradas sairán á venda na súa web este venres 22 de abril ás 10 da mañá.
No continente americano, Rosalía dará concertos en México, O Brasil, A Arxentina, Chile, Colombia, República Dominicana, Porto Rico e O Canadá. En Estados Unidos fará paradas nunha decena de cidades, como Boston, Washington, San Francisco, e Atlanta; con dobre recital no Radio City Music Hall de Nova York e o Youtube Theater de Los Ángeles.
Finalmente, xa nos últimos meses do ano, regresará a Europa, onde percorrerá Portugal, Italia, Alemaña, Países Baixos, Bélxica e Reino Unido ata pechar o percorrido en París, o 18 de decembro.
As expectativas polos concertos da catalá son altas, grazas ao bo recibimento que tivo o seu 'Motomami', un álbum de carácter experimental que está a bater récords e en que aborda desde o reguetón clásico, ao flamenco, boleros, o verbo rápido das rapeiras estadounidenses ou os interludios jazzísticos.
