Sánchez aposta por reforzar o autogoberno en Cataluña e abrir un tempo novo

O presidente do Goberno aposta por reforzar o autogoberno en Cataluña para abrir un tempo novo e xestionar os servizos públicos para todos os cataláns. Pedro Sánchez viaxou a Barcelona para clausurar o Congreso do PSC e apoiar o candidato socialista nas eleccións autonómicas do 12 de maio.

Nesta ultima xornada, o presidente do Goberno mostrouse convencido de que Salvador Illa será o próximo presidente da Generalitat porque ten un proxecto claro para Cataluña, dixo, fronte á destrución e polarización da dereita.

"Non hai nada máis antipatriota que defraudar a Facenda (...) O rancor e o desquite van ter moitas siglas coas que se van presentar o próximo 12 de maio pero a convivencia só vai ter unha que é o PSC".

Os socialistas apostan por pasar páxina e reforzar o autogoberno.

 "Reforzar o autogoberno para construír desalgadoras e facer fronte á seca e para uns servizos públicos de calidade e asegúroche, Salvador, que desde o goberno de España imos axudarche".

O candidato socialista comprometeuse a xestionar os servizos públicos e a traballar pola unión dos cataláns tras o fracaso dos anos do procés.

 "A Cataluña que quere pasar páxina pide paso""Isto non funcionou, Cataluña ten que volver ás cousas, unir e servir".