Abascal foi reelixido presidente de Vox sen necesidade de votación
Abascal foi reelixido presidente de Vox sen necesidade de votación
O catalán Ignacio Garriga sae reforzado e convértese en vicepresidente único e secretario xeral da formación
![Santiago Abascal no acto público deste sábado. EFE/Chema Moya](https://img-g24-crtvg.flumotion.com/prog24/2024/20240127/abascal.jpg)
Santiago Abascal foi reelixido este sábado presidente de Vox por cuarta vez sen necesidade de votación. De feito, a asemblea xeral extraordinaria do partido foi moi breve e o líder da formación repite no posto por aclamación ao non haber unha candidatura alternativa.
O catalán Ignacio Garriga sae reforzado e convértese en vicepresidente único e secretario xeral. Na nova executiva continuarán os tres vicepresidentes anteriores, Javier Ortega Smith, Jorge Buxadé e Reyes Romero, pero rebaixados á categoría de vogais.
No novo Comité Executivo Nacional (CEN), o máximo órgano de dirección do partido, tamén destaca a entrada dos catro vicepresidentes autonómicos que ten Vox e os responsables do partido no Congreso dos Deputados.