Sorpresa en Ribadeo por ter que declarar as axudas recibidas para pagar con "panchas"

A sorpresa e a resignación son os sentimentos maioritarios cando preguntamos en Ribadeo se coñecían o feito de que haxa que declarar a axuda que recibiron para pagar con panchas as compras.

A campaña lanzouse para impulsar a actividade económica. Promovida polo Concello, nesta ocasión o pago facíase a través dunha aplicación no teléfono móbil.  O desconto era do 25 %. Unha axuda que agora hai que declarar. 

Preocupa especialmente a aqueles que ata o de agora non presentaban declaración da renda por non superar os 22.000 euros dun só pagador, porque a axuda recibida polas panchas supón unha ganancia de patrimonio e agora si que terán que presentar a declaración.