Stellantis pecha 2023 como líder de vehículos comerciais con máis dun terzo das vendas
Stellantis pecha 2023 como líder de vehículos comerciais con máis dun terzo das vendas
![](https://img-g24-crtvg.flumotion.com/prog24/2022/20220301/colSTELLANTISPRESENTAPLANESTRATEXICOENPARIS_frame_250.png)
Stellantis, que engloba a gama das marcas Peugeot, Citroën, Opel e Fiat, pechou 2023 como líder no mercado español de vehículos comerciais con 51.777 matriculacións, o que significa unha cota de mercado do 35,2 %.
A compañía tamén aumentou o seu liderado no mercado de electrificados, con catro puntos de cota de mercado máis que en 2022.
Nese ámbito pechou o ano pasado con 4.629 matriculacións, o que representa un crecemento anual do 124 % fronte ás cifras de 2022.
Dentro das ofertas en toda a gama destacan a do Citroën Berlingo, os Peugeot Partner e Rifter, o Opel Combo, o Fiat Dobro, así como as súas versións eléctricas, que se producen na planta de Vigo.
No mercado de vehículos comerciais lixeiros, Renault converteuse en 2023 noutro dos referentes por segundo ano consecutivo, con 27.894 unidades matriculadas (o 19,3 % de cota de mercado).