Taballadores de ambulancias marchan por Santiago para reclamar "un convenio digno"
Taballadores de ambulancias marchan por Santiago para reclamar "un convenio digno"
A negociación coa patronal do sector leva dous meses paralizada
![](https://img-g24-crtvg.flumotion.com/prog24/2023/20230712/folga-ambulancias-santiago-120723.png)
Centos de traballadores das ambulancias de Galicia maniféstanse no mediodía deste mércores polas rúas do centro de Santiago para reclamar "un convenio digno" á patronal, así como para pedir á Xunta que actúe.
Esta protesta enmárcase nas folgas convocadas polos sindicatos CIG, UXT, CCOO e USO ante a "paralización" das negociacións desde hai dous meses, algo do que acusan á patronal, á que piden un aumento retributivo blindado ao IPC, entre outras melloras.
A manifestación iniciouse en Praza Roxa ao redor das 12:00 horas e transcorreu por diversas rúas do Ensanche, paralizando o tráfico no centro, e o centro histórico compostelán, ata finalizar en Praza de Cervantes.
A semana pasada houbo dúas xornadas de folga do sector das ambulancias os días 6 e 7 de xullo, ás que seguirá unha segunda convocatoria os días 19, 20 e 21.