Támara Echegoyen probará o seu nivel no Mundial de 49er, coa vista posta en París

As augas de Lanzarote acollerán do 4 ao 10 de marzo os mundiais da clase 49er e 49er FX de vela, en que competirán máis de 300 regatistas de máis de 40 nacionalidades, informou este venres a organización do evento.

Será a Mariña Rubicón a sede deste campionato mundial, "unha das competicións máis importantes do calendario olímpico internacional", un lugar que é historicamente escollido por moitas delegacións de todo o globo para levar a cabo as súas preparacións para grandes citas, como os Xogos Olímpicos de París 2024, a menos de cinco meses de que comecen na capital francesa.

Na clase feminina, 52 tripulacións de 25 nacionalidades bateranse polo título, entre elas as campioas olímpicas brasileiras Martine Grael e Kahena Kunze, xunto coas defensoras do título mundial, as suecas Vilma Bobeck e Rebecca Netzler.

A parella española, Támara Echegoyen e Paula Barceló, coa súa clasificación xa asegurada para París 2024, prometen dar batalla aproveitando a vantaxe local.