Taxistas de Sarria denuncian a competencia desleal de condutores doutras vilas

Taxistas de Sarria denuncian competencia desleal por parte de profesionais chegados doutros concellos que queren facer negocio trasladando peregrinos. Din que perden cartos e que as súas licenzas se desvalorizan, e por iso reclaman máis controis.

Din que, un ano máis, coincidindo co inicio da temporada alta no Camiño de Santiago, profesionais doutros concellos tentan aproveitar a elevada afluencia de peregrinos para quitarlles clientes de xeito ilegal.

Din ademais que detectaron coches particulares, algúns deles de aloxamentos da comarca, que tamén fan servizos de taxi sen estar autorizados para iso.